जय हनुमन्त संत हितकारी | सुन लीजै प्रभु अरज हमारी ||
जन के काज बिलम्ब न कीजै | आतुर दौरि महासुख दीजै ||
जैसे कूदी सिन्धु महि पारा | सुरसा बदन पैठी विस्तारा ||
आगे जाय लंकिनी रोका | मारेहु लात गई सुर लोका ||
जाय विभीषण को सुख दीन्हा | सीता निरखि परम-पद लीना ||
बाग़ उजारि सिन्धु मह बोरा | अति आतुर जमकातर तोरा ||
अक्षय कुमार मारि संहारा | लूम लपेटि लंक को जारा ||
लाह समान लंक जरि गयई | जय-जय धुनि सुरपुर में भयई ||
अब बिलम्ब केहि कारन स्वामी | कृपा करहु उर अन्तर्यामी ||
जय जय लखन प्रान के दाता | आतुर होई दु:ख करहु निपाता ||
जै गिरिधर जै जै सुख सागर | सुर-समूह-समरथ भट-नागर॥
हनु हनु हनु हनुमंत हठीले | बैरिहि मारु बज्र की कीले॥
गदा बज्र लै बैरिहि मारो | महाराज प्रभु दास उबारो ||
ॐकार हुंकार महा प्रभु धाओ | बज्र गदा हनु विलम्ब न लाओ ||
ह्रीं ह्रीं ह्रीं हनुमंत कपीसा | हुं हुं हुं हनु अरि उर-सीसा॥
सत्य होहु हरी शपथ पायके | राम दूत धरु मारू जायके
जय जय जय हनुमन्त अगाधा | दुःख पावत जन केहि अपराधा ||
पूजा जप-तप नेम अचारा | नहिं जानत हो दास तुम्हारा ||
वन उपवन मग गिरि गृह मांहीं | तुम्हरे बल हम डरपत नाहीं ||
पायं परौं कर जोरी मनावौं | येहि अवसर अब केहि गोहरावौं ||
जय अन्जनी कुमार बलवंता | शंकर सुवन वीर हनुमंता ||
बदन कराल काल कुलघालक। राम सहाय सदा प्रतिपालक ||
भूत प्रेत पिशाच निशाचर | अगिन वैताल काल मारी मर ||
इन्हें मारु, तोहि शपथ राम की | राखउ नाथ मरजाद नाम की ||
जनकसुता हरि दास कहावो | ताकी शपथ विलम्ब न लावो ||
जै जै जै धुनि होत अकाशा | सुमिरत होत दुसह दुःख नाशा ||
चरण शरण कर जोरि मनावौं | यहि अवसर अब केहि गोहरावौं ||
उठु उठु चलु तोहि राम-दोहाई | पांय परौं, कर जोरि मनाई ||
चं चं चं चं चपल चलंता | हनु हनु हनु हनु हनु हनुमन्ता ||
हं हं हाँक देत कपि चंचल | सं सं सहमि पराने खल-दल ||
अपने जन को तुरत उबारौ | सुमिरत होय आनंद हमारौ ||
यह बजरंग बाण जेहि मारै| ताहि कहो फिर कोन उबारै ||
पाठ करै बजरंग बाण की | हनुमत रक्षा करैं प्रान की ||
यह बजरंग बाण जो जापैं | ताते भूत-प्रेत सब कापैं ||
धूप देय अरु जपै हमेशा | ताके तन नहिं रहै कलेसा ||
In the above video Swami Rupeshwaranand ji explains how Bajrang Baan should be used for medical benefits and to fulfill all desires.
Above video is a beautiful rendition of Bajrang Baan by Shri Krishna Das. Although the version sung by Krishna Das contains some of the errors mentioned by Swami Rupeshwranand ji, it is still useful for first timers.